أنا اكتشفت ان الناس ايام ثانوية عامة كانت بتدعيلي من قلبها و بجد بضمير كدة يعني مفتكرش مرة حد شافني إلا و قالي يا رب تبقي دكتورة ! مش يارب تدخلي كلية الطب لا , يا رب تبقي دكتورة و تلبسي البالطو الابيض.. و أديني جالي علوم اللي بيتلبس فيها البالطو الابيض اهو! لما تدعوا خليكوا محددين و ادعوا صح يا اما متدعوش يا جمااااااعة!!نصيحة لبتوع ثانوية عامة متقولش انك ثانوية عامة عشان طول ما أنتوا ماشيين الناس هتشفق عليكوا و هتدعيلكوا و الدعوة غالباً بترشق !
#لا_للشفقة #ادعوا_صح
تحذير: الكلام ده يخوف يا ريت متقراهوش و انت جنبك عيال ضغيرة أو لو قلبك ضعيف و مش هتستحمل..أنا ماليش دعوة انا حذرتكوا و قد اعذر من انذر
يطلع عيني في ثانوية عامة و في الآخر اجيب 94% و كل قرايبي يقولولي انتي خايبة و بعدين ادخل علوم و انا كان نفسي ادخل اعلام و أهلي كان نفسهم ادخل طب و بعدين اتجوز واحد بيشتغل في السعودية يجيبلي شبكة 15 كيلو دهب اللي هتتباع كمان 15 سنة عشان جوزي هيتزنق في فلوس عشان يبني بيتً و يسيبني عايشة في الدور اللي تحت امه و يسافر السعودية و احمل و انزل صور ستات حوامل و أطفال أجانب علي الفيسبوك علي أمل اني اخلف عيل زيهم و اجيب في الاخر عيل تخين نفس سحنة ابوه الرخم و اسميه عبد الرحمن نقوله يا بودچي و بعدين اروح لجوزي السعودية اجازة يقولي اتنقبي، و اتنقب و لما اخرج معاه نتغدا برة و اجي اشرب بيبسي ادخل الشليمون من تحت النقاب و عيني بتلف عالناس و ابني بودچي يعيط عايز يرضع و بعدين ارجع مصر احمل في بنت أسميها ملك و اقولها يا ملوكة و لما اخرج اجيب لبس بودچي يتوه مني و ملوكة تعيط و احمل تاني يلا ما هي هيصة و تبقى بنت نسميها جنى و بودچي هيبقي ساعتها واد شبه العيل اللي في إعلان *خلصت الجبنة؟ هي خلصت لوحدها* و ملوكة هتبقي دخلت مرحلة الرزالة و تبقي كائن لزج بيضحباضي يدعي الأروَبة و تغير من اختها جني و تعمل نفسها عايزة تشيلها و تروح موقعاها قصد اقوم ضرباها علقة و جني تقعد تعيط و معرفش اسكت فيها و بودچي كل ده ولا هو هنا و قاعد علي البلايستيشن مش راضي يقوم و اصور ولادي في جنينة الحيوانات قدام الأسد و هما بيأكلوا القرد و اكتب عالفيسبوك زوجي قرة عيني و اعمل شير لطريقة عمل الكبسة السعودي و ديكورات البيت و اشترك في منتدي فتكات و اشارك قصصي و وصفات طبيخي مع الأعضاء كل يوم.
